Parametar doo
www.poduke-split.com --- www.instrukcije-split.com --- www.repeticije-split.com
www.prevoditelji-lektori.com --- www.prijevodi-lektura.com


28.11.2004., nedjelja
nedilja

nedilja.
dan za jutarnje izležavanje.
dan za dobru spizu.
dan za pranje robe, sređivanje sebe i doma svoga.
dan za šetnju.
dan za puno lipih radosti ča ih život pruža, libre, filmove,...

otkad s ovin mojin šefon posla jeman volin nedilju;
jedino me onda pusti s miron, e...



17.12.2004., petak
Kiša

volin slušat kako mi
tuče u ponsitru;
lagano, polako.
pari ka da pada
kap po kap...

moje misli su
u temu ritmu.

ujedanput se pritumba,
poludi,
pokaže svu svoju forcu.
uajme!

neš ti nas naspram nje, e...
ča joj moremo, a?
ona je Kiša!

a ko smo mi?
tu sa svrhon i razlogon
ili tek slučajno stivani?!

briga je,
ona je Kiša!

volin je slušat
kako mi tuče u ponistru,
mrzin pet puti dnevno
smočit postole, e...



18.12.2004., subota
digod

digod
kad svi posli fine,
kad već dode kasna ura,
kad čovik ostane sam sa sebon,
kad mu se oči već sklapaju od umora,
(e ka sad, e)
dođe mi da napišen samo dvi riči, e...

živila nedilja!


eto napisane su te dvi riči,
gren leć,
gren spaaavat;
iskoristit ću i dil nedilje ujutro za to, e...
ne virujen da će se do sutra vrime
prolipšat pa bar da iz neispavanih
priđen u naspavane, e...

inače, riba je na peškariju već počela krešivat,
požurite nabavit štagod ovu šetimanu, e...



04.02.2005., petak
teška arija

u splitu je danima smrzlina,
nije ovo vrime za nas dalmatince,
nismo navikli, e...

a ča jema još novega, a?
a ništa, šta će bit, život gre.
gre, e...
ipak gre!

bura bi ka tribala pročistit ariju.
je, kako ne, roge ćaćine, e...
sve mi se pari da nima više te bure,
bure koja more očistit ovo teške arije
ča se nagomilala ovod,
ča nas je stisla i pritisla,
ča nan miri svaku rič,
ča joj smeta svaka pozitivna misao,
ča mrzi stvaranje.



21.02.2005., ponedjeljak
Sunce, dođi Splitu!

cili dan liva.
pomalo dosađuje.
onda jače...
ne znaš šta je gore.
nikako da pođe ča,
pari ka da će trajat danima...

gledan te,
gledaš me,
pijemo kavu
(bolje je na suncu,
ali neće nas valjda kiša
spriječit da živimo).

gledamo...
kroz cakal kafića...
e...
živimo, ali ipak:
Sunce, dođi Splitu!

Copyright © 2006. by XVII sva prava pridržana